Norwegiýaly hüjümçi Erling Holand “Mançester Siti” bilen şertnama baglaşdy. Iňlis kluby bu şertnamanyň 2034-nji ýyla çenli dowam etjekdigini habar berdi.
24 ýaşly hüjümçiniň öňki şertnamasy 2027-nji ýylda gutarmalydy.
Ylalaşygyň şertleri aýan edilmedigem bolsa, The Athletic-iň žurnalisti Dewid Ornsteýn onuň sportuň taryhynda iň uly şertnamalaryň biridigini habar berdi.
Ylalaşykda öwezini doluş puly baradaky maddanyň ýokdugy bellenildi. Şeýle hem bu dünýä futbolynyň taryhynda iň uzak möhlete baglaşylan bäşinji şertnamadyr. Uzak möhletli şertnamalara diňe dört oýunçy gol çekipdi.
Norwegiýaly futbolçy 2022-nji ýylyň tomsundan bäri “Mançester Siti” üçin oýnaýar. Ol 60 million ýewro Dortmundyň “Borussiýasyndan” geçipdi.
Norwegiýaly oýunçy “Mançester Siti” topary üçin ähli ýaryşlarda 126 oýun oýnady, 111 pökgi geçirdi we 15 gezek netijeli pas berdi. Ol Pep Gwardiola bilen bilelikde APL-yň iki titulyny, Angliýanyň Kubogyny we Superkubogyny, Çempionlar ligasyny, UEFA-nyň Superkubogyny we Dünýäniň klublar çempionatyny utdy.
Holand şu möwsümdäki ähli ýaryşlarda “Mançester Siti” üçin 28 gezek çykyş edip, 21 pökgi geçirdi we bir gezek netijeli pas berdi.
