Saud “Al-Nasrynyň” we Portugaliýanyň milli ýygyndysynyň hüjümçisi Kriştianu Ronaldu Globe Soccer Awards dabarasynda birbada iki baýraga mynasyp boldy.
Futbolçy ähli döwrüň iň gowy bombardiri diýlip ykrar edildi. Karýerasynyň dowamynda 39 ýaşly portugaliýaly resmi oýunlarda 916 gol geçirdi.
Ikinji baýragy Ronaldu Ýakyn Gündogarda 2024-nji ýylyň iň gowy futbolçysy hökmünde aldy. Ol bu baýragy yzygider ikinji ýyl alýar. Bu nominasiýada futbolçy Riýad Marez (“Al-Ahli”), Sergeý Milinkowiç-Sawiç (“Al-Hilýal”), Salem Al-Dawsari (“Al-Hilýal”) we Sufýan Rahimi (“Al-Aýn”) ýaly bäsdeşlerden üstün çykdy.
Globe Soccer Awards baýragy her ýyl futbol dünýäsinde gazanylan ajaýyp üstünlikleri ykrar edýär. Laureatlar ses bermek ýoly bilen kesgitlenýär.
Dabarada 2024-nji ýylyň iň gowy oýunçysy Winisius Žunior, tälimçisi Karlo Ançelotti (ikisi-de Madridiň “Realy”) boldy. Geçen ýyl şeýle baýraklary Erling Holand we Hosep Gwardiola (ikisi-de “Mançester Siti”) aldy.
