Ispaniýanyň “Real” kluby ýene-de bir möhüm kubogyň eýesi boldy. Kataryň paýtagty Dohada "Lusiala" stadionynda Yklymara kubogyň final duşuşygy geçirildi. Onda Madridiň “Realy” Meksikanyň “Paçuka” kluby bilen duşuşdy.
Duşuşykda 3:0 hasabynda ýeňiş gazanan “Real” kuboklarynyň üstüni ýene-de bir kubok bilen doldurdy. Final oýnunda ispan toparynyň düzüminde Kilian Mbappe, Rodrigo we Winisius tapawutlandy.
“Real” topary Yklymara kubogynyň finalyna Çempionlar ligasynyň ýeňijisi hökmünde gatnaşdy. “Paçuka” topary bolsa 2024-nji ýylda Demirgazyk, Merkezi Amerika we Karib basseýni Futbol konfederasiýasynyň ýeňijisini hökmünde gatnaşmak hukugyna eýe boldy.
Yklymara kubogy 2004-nji ýyldan bäri geçirilip gelinýär. Ýaryşa 7 topar gatnaşdy. “Real” topary Yklymara kubogyny iň köp gazanan topardyr. 4 gezek bu kubogy gazanan “Real” topary klublaryň dünýä çempiony boldy.
2025-nji ýylda klublaryň dünýä çempionaty geçirilip, oňa 32 topar gatnaşdyrylar. Ýaryş 2025-nji ýylyň 15-nji iýuny-13-nji iýuly aralygynda geçiriler. Onuň pul baýragy 2,5 milliard dollara deň bolar.
