“Inter Maýami” amerikan klubunyň argentinaly hüjümçisi Lionel Messi 525 Rosario hususy prodakşen-kompaniýasyny işe girizdi. Bu barada ESPN habar berýär.
Messiniň dogduk şäheriniň hormatyna atlandyrylan kompaniýa telewideniýe üçin maşgala mazmunyny, şol sanda filmleri, sport programmalaryny we dünýäniň dürli künjeginden türgenler üçin brend mahabatlaryny öndürmek bilen meşgullanar.
Messi kompaniýany Dewid Bekheme degişli bolan “Inter Maýami” futbol kluby we Apple TV+ üçin Messi baradaky seriallar bilen belli bolan Smuggler Entertainment kinokompaniýasy bilen bilelikde esaslandyrdy.
Özüniň beýanynda Messi güýmenjeleriň hemişe özi üçin höwes bolandygyny we täze kompaniýa bilen işleşmäge “hakykatdanam hyjuwlydygyny” belledi. “Biziň maksadymyz bütin dünýädäki adamlary ruhlandyrmak we olar bilen täzeçe aragatnaşyk gurmakdyr” – diýip, futbolçy aýtdy.
525 Rosario “Messiniň kökleriniň esasy nyşanlaryny we maşgala gymmatlyklaryny” şöhlelendirýär diýlip, habarda aýdylýar.
