Argentinaly Maurisio Poçettino ABŞ-nyň milli ýygyndysyna tälimçi bellenildi, bu barada ýurduň Futbol federasiýasynyň saýtynda habar berilýär.
52 ýaşly hünärmen bilen şertnama ABŞ-da, Meksikada we Kanadada geçiriljek 2026-njy ýylyň dünýä çempionatynyň ahyryna çenli hereket edýär.
– ABŞ-nyň milli ýygyndysyna goşulmak çözgüdi meniň üçin diňe bir futbol bilen däl, eýsem bu toparyň we ýurduň başdan geçirýän syýahaty bilen baglanyşykly boldy. Bu ýerde energiýa, hyjuw we nämedir bir taryhy zady gazanmak islegi meni ruhlandyrdy. Oýunçylar ýaly şeýle hyjuwy bolan janköýerleriň öňünde ABŞ-nyň erkekler ýygyndysyna tälimçi bolmak mümkinçiligi – bu meniň elden gidirip bilmedik zadym. Men zehini we potensialy bolan oýunçylar toparyny görýärin, bilelikde biz tutuş ýurduň buýsanyp biljek aýratyn bir zadyny dörederis – diýip, Poçettino aýtdy.
Poçettinonyň soňky iş ýeri “Çelsi” bolup, ony 2023/2024 möwsüminiň ahyrynda terk etdi. Şeýle-de, ol “Espanýol”, “Sautgempton’, “Tottenhem” we “PSŽ” toparlaryna tälim berdi. Öň, argentinaly hünärmen hiç haçan milli topara ýolbaşçylyk etmedi.
ABŞ-nyň milli ýygyndysynyň öňki tälimçisi Gregg Berhalterdi, onuň ýolbaşçylygynda amerikan topary Amerikanyň kubogy-2024 ýaryşynda Urugwaý, Panama we Boliwiýa bilen toparçadan çykmady.
