Ronaldu Çempionlar ligasynyň taryhynda iň gowy bombardir hökmünde baýrak alar

  • 28.08.2024 17:42
  • 12k+

“Al-Nasr” saud futbol klubunyň hüjümçisi Kriştianu Ronaldu Çempionlar ligasynyň taryhynda iň gowy bombardir hökmünde ýörite baýrak bilen sylaglanar. Bu barada Ýewropanyň Futbol Assosiasiýalarynyň Birleşigi (UEFA) resmi saýtynda habar berdi.

Karýerasynyň dowamynda Ronaldu “Sportingde”, “Mançester Ýunaýtedde”, “Realda” we “Ýuwentusda” çykyş edip, Çempionlar ligasynyň 183 oýnunda 140 gol geçirdi.

“Kriştianu Ronaldu – Çempionlar ligasynyň ýyldyzlar toplumynda iň parlak ýyldyzlaryň biri. Onuň ýaryşda gazanan ajaýyp bombardir üstünliklerine wagt synagyndan geçip, geljekki nesiller üçin kyn synaga öwrülmek, megerem, bolmaly zatdyr” – diýip, UEFA-nyň metbugat gullugy guramanyň prezidenti Aleksander Çeferiniň sözlerini getirýär.

Geçen möwsümde Ronaldu “Al-Nasr” üçin 45 oýna gatnaşyp, 44 gol we 13 netijeli geçirim bilen tapawutlandy. Futbolçynyň klub bilen şertnamasy 2025-nji ýylyň tomsuna çenli hereket edýär, Transfermarkt portalynyň maglumatlaryna görä, onuň bazar bahasy 15 mln ýewro.


şu gün 09:22
1.4k+

Ronaldu Milletler ligasyndaky ýeňiş üçin milli ýygyndydaky ýoldaşlaryna ýörite sagat sowgat etdi

Portugaliýanyň milli ýygyndysynyň kapitany Kriştianu Ronaldu UEFA-nyň Milletler ligasynda gazanylan ýeňiş mynasybetli tutuş topar üçin ýörite Jacob&Co sagatlaryny sargyt etdi. Bu barada SIC Noticias habar berýär...

düýn 23:17
2.9k+

Ýewropa ligasynyň we Konferensiýa ligasynyň tapgyrynyň netijeleri

Penşenbe güni agşam we anna gününe geçilen gije Ýewropa ligasynyň bäşinji tapgyrynyň we Konferensiýa ligasynyň dördünji tapgyrynyň oýunlary geçirildi. Ýewropa ligasynyň ýaryş jedwelinde fransuz «Liony» birinji orny eýeledi...

27.11.2025 12:45
10k+

Çempionlar ligasy: “Arsenal” “Bawariýany” utdy, Mbappe poker etdi we beýleki garaşylmadyk netijeler

UEFA-nyň Çempionlar ligasynyň bäşinji tapgyrynyň jemleýji oýunlary ýokary netijeliligi görkezdi – oýun gününiň dokuz oýnunda futbolçylar jemi 42 gol geçirdi. Tapgyryň merkezi oýnunda “Arsenal” Mýunheniň “Bawariýasyny” 3:1 hasabynda utdy...

26.11.2025 12:52
7.7k+

Çempionlar ligasynyň 5-nji tapgyry: “Çelsi” “Barselonany” utdy, “ManSiti” “Baýerden” utuldy

Çarşenbe gününe geçilen gije UEFA-nyň Çempionlar ligasynyň umumy tapgyrynyň bäşinji oýunlary geçirildi. Olardan ikisi garaşylmadyk netije bilen tamamlandy: “Çelsi” “Barselonanyň” derwezesine jogapsyz üç gol geçirdi, “Mançester Siti” bolsa öýünde Lewerkuzeniň “Baýerinden” utuldy...