“Barselonanyň” goragçysy we kapitany Serhi Roberto katalon klubundan gidýändigini malim etdi. Onuň klub bilen şertnamasy iýun aýynda tamamlandy we taraplar hyzmatdaşlygy uzaltmazlyk kararyna geldiler.
“Kataloniýalylar, hemmäňize bilelikde geçen bu syýahatymyz üçin minnetdarlyk bildirmegiň wagty geldi. “Barsa” baky ýaşasyn” – diýip, Roberto sosial ulgamlarda ýazdy.
“Marca” neşiriniň habar bermegine görä, toparyň täze kapitany derwezeban Mark-Andre Ter Ştegen bolup biler. Ýatlap geçsek, 2014-nji ýylyň 22-nji maýynda Ştegen “Barselona” klubdan giden Wiktor Waldesiň ornuna geldi. Transferiň bahasy 12 mln ýewro bolup, şertnama bäş ýyl möhlet bilen baglaşyldy.
Serhi geçen möwsüm ähli ýaryşlarda 24 oýna gatnaşyp, üç gol we üç netijeli geçirim bilen tapawutlandy. “Barselonanyň” düzüminde Roberto ulular derejesinde 373 oýna gatnaşdy we öz hasabyna 26 gol hem 46 netijeli geçirim ýazdy.
Oýunçynyň “Barselona” bilen zähmet şertnamasy 2024-nji ýylyň 30-njy iýunyna çenli hereket etdi. Transfermarkt portalynyň maglumatlaryna görä, futbolçynyň bazar bahasy 2,5 mln ýewro barabar.
