Argentinanyň milli ýygyndysy finalda goşmaça wagtda Kolumbiýanyň toparyny utup, Amerikanyň Kubogy – 2024-üň ýeňijisi boldy. Maýamidäki “Hard Rok” stadionynda geçirilen duşuşyk 1:0 hasabynda tamamlandy.
Oýnuň esasy wagtynda hasap açylmady, şonuň üçin oýun owertaýma geçdi. Ýeke-täk goly 112-nji minutda Jowani Do Çelsonyň topy geçirmeginde hüjümçi Lautaro Martines saldy.
Argentinalylar yzygider ikinji gezek Amerikanyň Kubogyny gazandylar. Olar 2021-nji ýylda finalda Braziliýany 1:0 hasabynda utupdylar.
Şeýlelikde, Argentina Kubogyň taryhynda iň köp titul alan topar boldy. Onuň hasabynda 16 titul bar. Ikinji orny Urugwaýyň topary eýeleýär – 15 ýeňiş, Braziliýanyň hasabynda 9 ýeňiş bar.
Kuboga tarap ýolda argentinalylar Kanada, Çili we Peru bilen A toparçada birinji orny eýeledi. Pleý-offda Lionel Skaloniniň topary Ekwadordan (1:1, 4:2 pen.) we Kanadadan (2:0) güýçli boldy.
