MBA-nyň “Los-Anejeles Leýkers” kluby draftyň ikinji tapgyrynda Bronni Jeýmsi – Lebron Jeýmsiň 19 ýaşly ogluny saýlady. Şeýlelikde, kaka we ogul MBA-nyň taryhynda bir toparda çykyş etjek ilkinji oýunçylar bolar. Bu barada “Leýkersiň” X sosial ulgamyndaky sahypasynda habar berildi.
Lebron Jeýms bu habara seslenme hökmünde Instagram-da 2007-nji ýyldaky suraty ýerleşdirdi, onda kiçijik Bronni kakasynyň oýnuny görmäge gelýär. Surata “Miras!” ýazgysy-da goşulypdyr.
Umumy 55-nji belgi bilen saýlanan Bronni Jeýms öň “Ýu-es-si Troýans” uniwersitet toparynda çykyş etdi. Geçen ýyl ol ýürek durmasyny başdan geçirdi, soň bejergi aldy.
Lebron Jeýms MBA-da 2003-nji ýyldan bäri çykyş edýär we liganyň taryhynda iň köp titul gazanan oýunçylaryň biridir. Ol dört çempion titulyna eýe boldy, ABŞ-nyň düzüminde Olimpiýa oýunlarynda iki gezek ýeňiş gazandy. 2024-nji ýylyň mart aýynda Lebron 40 müň utuk belliginden geçip, MBA-nyň taryhynda iň netijeli oýunçy boldy.
2022-nji ýylyň awgust aýynda Jeýms şertnamany uzaldy, ol iki möwsümde 97,1 mln dollar aldy. Şonuň netijesinde basketbolçynyň karýerasyndaky umumy zähmet haky MBA taryhynda rekord boldy – 532 mln dollar.
