Amerikanyň Kubogy - 2024-üň açylyş oýnunda ýaryşyň häzirki çempiony bolan Argentinanyň ýygyndysy 2:0 hasap bilen Kanadadan üstün çykdylar. Duşuşyk anna güni irden (Aşgabat wagty bilen 05:00-da) ABŞ-da Atlantada "Mersedes Benz Stediumda" geçirildi.
Duşuşygyň 49-njy minudynda Hulian Alwares hasaby açdy. Ikinji goly 88-nji minutda Lautaro Martines geçirdi. Messi gol pasyny geçirdi.
Belläp geçsek, Lionel Messi Amerikanyň Kubogynda geçiren duşuşyklarynyň sany boýunça rekordy täzeledi - 35 oýun. Mundan başga-da, Messi ýedi ýaryşda çykyş eden ilkinji argentinaly futbolçy boldy (2007, 2011, 2015, 2016, 2019, 2021, 2024).
Amerikanyň Kubogy şu ýyl ABŞ-da geçirilýär. Ýaryşyň final duşuşygy 14-nji iýulda futbol boýunça Ýewropa çempionatynyň final duşuşygyndan biraz soňra geçiriler.
KONMEBOL-dan 10 sany milli ýygyndydan başga-da, ýaryşa KONKAKAF-dan ýene 6 ýygyndy gatnaşýar.
Ýygyndylar 4 topara bölünen:
A topar
Argentina
Peru
Çili
Kanada
В topar
Meksika
Ekwador
Wenesuela
Ýamaýka
С topar
ABŞ
Urugwaý
Panama
Boliwiýa
D topar
Braziliýa
Kolumbiýa
Paragwaý
Kosta-Rika
