ABŞ-da meşhur sedana sport äheňi berlip döredilen täze Toyota Corolla FX bezegi çykar. Şeýle-de bolsa, üýtgeşmeler diňe daşky görnüşi we salonyň bezegi bilen çäklenýär. Awtoulagyň daşky bezegi 1987-nji ýylyň Corolla FX16 hetçbegine salgylanýar diýip, auto.ru ýazýar.
Täze önüm kümüşsöw öwüşginli 18 dýuýmlyk gara tekerleri, aýnalary gara korpusy we ýükdanynyň gapagy spoýleri aldy. Içi mämişi tikinli açyk Moonstone matasy bilen bezelen. 10,5 dýuýmlyk ekranly multimediýa ulgamy hem täze, ýöne 2025-nji model ýylynyň Corolla-synyň beýleki bezeg derejelerinde hem peýda bolar.
Kapotyň aşagynda hiç hili üýtgeşiklik ýok: kuwwaty 169 at güýjüne deň bolan, CVT bilen jübütlenen şol bir 2,0 litrlik atmosfera hereketlendirijisi. Sagatda 97 km tizlige çykmak üçin 8 sekunt gerek. Kuzowyň reňk dürlüligi üç görnüş bilen çäklenýär, şol bir wagtda hemmesiniň üçegi gara bolar.
Daşky görnüşi sport äheňlidgine garamazdan, Corolla FX adaty maşgala sedany bolmagynda galýar. Toyota 2025-nji ýylyň ýanwar aýynda Tokioda geçiriljek sergide täzeden janlandyrylan Celica-nyň prototipini hödürlemekçi, myş-myşlara görä, sport kupesi 400 at güýçli iki litrlik hereketlendirijini we ähli tigirleri hereketli ulgamy alar.
