2-nji iýunda UFC 302 ýaryşynyň çäklerinde ýeňil agramda promouşeniň çempiony Islam Mahaçew (Russiýa) çempionlyga dalaşgär Dastin Porýe (ABŞ) garşy titul goragyny geçirer.
Bu tutluşyk Nýuarkada (ABŞ) geçiriljek ýaryşyň esasy söweşi bolar. Ol Aşgabat wagty bilen 7:00-da başlanar.
Ýaryşyň söweşlerini «Матч! Боец» we «Матч ТВ» teleýaýlymlarynda, şeýle hem UFC Fight Pass platformasynda görüp bolar.
Mahaçewiň hasabynda MMA-da 25 ýeňiş we 1 ýeňliş bar. Islam üçin bu tutluşykda çempionlyk guşagyny üçünji gezek gorar.
Porýeniň hasabynda 30 ýeňiş we 8 ýeňliş bar, 1 tutluşyk geçirilmedik diýlip yglan edildi. Dastin Porýe ýeňil agram kategoriýasyndaky reýtingde dördünji ýerde ýerleşýär.
