«Olimpiakos» 116-njy minutda gol geçirip, Konferensiýalar ligasynda ýeňiş gazandy

  • 30.05.2024 19:19
  • 6.5k+
«Olimpiakos» 116-njy minutda gol geçirip, Konferensiýalar ligasynda ýeňiş gazandy

"Olimpiakos" grek kluby final duşuşygynda goşmaça wagtda "Fiorentinany" 1:0 hasabynda utup, Konferensiýalar ligasynyň ýeňijisi boldy.

Duşuşyk Afinyda "OPAP Arena" stadionynda geçdi. Oýnuň esasy wagtynda gol geçirilmedi, 116-njy minutda "Olimpiakosyň" hüjümçisi Aýub El-Kaabi Santýago Esseniň geçiren pasyndan ýeňiş goluny geçirdi.
"Olimpiakos" üçin bu ýewrokuboklarda ilkinji ýeňşidir. Mundan öň, grek klublary ýeke gezek hem Ýewropa kuboklarynda ýeňiş gazanyp görmändirler. "Fiorentina" eýýäm yzly-yzyna ikinji gezek Konferensiýalar ligasynyň finalynda utuldy.
Belläp geçsek, "Olimpiakos" ýarym finalda "Aston Willadan", "Fiorentina" bolsa "Brýuggeden" üstün çykdy.

Myhmanlar üstün çykdy: Ýewropa ligasynyň ilkinji pleý-off oýunlary nähili geçdi?
düýn 13:41
4.8k+

Myhmanlar üstün çykdy: Ýewropa ligasynyň ilkinji pleý-off oýunlary nähili geçdi?

19-njy fewraldan 20-ne geçýän gije Ýewropa ligasynyň pleý-off (utulan-çykdy) tapgyrynyň ilkinji duşuşyklary geçirildi. Bu tapgyr aýratyn-da myhmançylykda oýnan toparlar üçin şowly boldy: birnäçe klub möhüm ýeňişleri gazanyp, 1/8 finala çykmak üçin gowy mümkinçilik gazandylar...

«Arsenal» Bukaýo Saka bilen şertnamany 2031-nji ýyla çenli uzaltdy
düýn 10:24
1.2k+

«Arsenal» Bukaýo Saka bilen şertnamany 2031-nji ýyla çenli uzaltdy

Hüjümçi Bukaýo Saka «Arsenal» bilen şertnamasyny 2031-nji ýyla çenli uzaltdy. Bu barada London klubunyň resmi saýty habar berýär. Mundan ozal metbugatda täze şertnamanyň iňlis oýunçysynyň zähmet hakyny ep-esli ýokarlandyrjakdygy we wingeriň Ýewropanyň iň gowy oýunçylarynyň biri hökmünde statusyny tassyklaýandygy barada maglumatlar peýda boldy...

Çempionlar ligasy: «Budýo-Glimt» «Interi» utdy, «Nýukaslyň» hüjümçisi poker etdi
19.02.2026 11:24
5k+

Çempionlar ligasy: «Budýo-Glimt» «Interi» utdy, «Nýukaslyň» hüjümçisi poker etdi

Penşenbä geçýän gije UEFA-nyň Çempionlar ligasynyň pleý-off (utulan çykdy) tapgyrynyň duşuşyklary geçirildi. «Nýukasl» Bakuda uly hasap bilen ýeňiş gazandy, «Baýer» we «Budýo-Glimt» iki gol aratapawudy bilen üstün çykdylar, «Brýugge» bilen «Atletikonyň» duşuşygy bolsa 6 golly oýunda deňme-deňlik bilen tamamlandy...

«Al-Nasr» «Arkadag» FK-ny ýeňip, AFK Çempionlar ligasy-2-niň çärýek finalyna çykdy
19.02.2026 06:27
18k+

«Al-Nasr» «Arkadag» FK-ny ýeňip, AFK Çempionlar ligasy-2-niň çärýek finalyna çykdy

Saud Arabystanynyň «Al-Nasr» topary AFK Çempionlar ligasy-2-niň 1/8 finalynyň jogap duşuşygynda Türkmenistanyň «Arkadag» toparyny 1:0 hasabynda ýeňlişe sezewar etdi. 19-njy fewrala geçilen gije Er-Riýadda bolan bu oýun saud toparynyň çärýek finala çykmagyny üpjün etdi...