26-njy maýda Pragadaky “O2 Arenada” 2024-nji ýylyň hokkeý boýunça dünýä çempionatynyň final oýny tamamlandy we onda Çehiýanyň milli ýygyndysy Şweýsariýanyň toparyny 2:0 hasabynda utdy.
Çehiýalylar üçin bu soňky 14 ýylda ilkinji altyn medal boldy diýip, “Çempionat” ýazýar.
Ýaryşyň ýer eýelerine ýeňşi üçünji tapgyryň ortalarynda hüjümçi Dawid Pastrnýakyň takyk urgusy, şeýle-de duşuşygyň ahyrynda Dawid Kempfyň boş derwezä geçiren goly getirdi.
DÇ-2024-de bürünç medaly üçünji ýer ugrundaky oýunda Kanadanyň toparyny utan Şwesiýanyň milli ýygyndysy aldy.
Dünýä çempionaty 10-njy maýdan 26-njy maý aralygynda Çehiýanyň Praga we Ostrawa şäherlerinde geçirildi.
Indiki dünýä çempionaty hasap boýunça 88-nji bolup, 2025-nji ýylda Şwesiýada we Daniýada geçiriler.
