Serdar Berdimuhamedow Belarusyň Premýer-ministri Roman Golowçenkony kabul etdi

  • 24.05.2024 18:40
  • 4.7k+

Türkmenistanyň Prezidenti Serdar Berdimuhamedow Belarusyň Premýer-ministri Roman Golowçenkony kabul etdi. Belarusyň Premýer-ministri GDA-nyň Hökümet baştutanlarynyň Geňeşiniň mejlisine gatnaşmak üçin Aşgabat şäherine geldi.

— Garaşsyzlyk ýyllaryndan bäri Belarus bilen Türkmenistanyň arasyndaky gatnaşyklar özara hormat goýmak we hyzmatdaşlyk ýörelgelerine esaslanýar. Bu, esasan hem, iki döwletiň Prezidentleriniň arasynda köp ýyllyk ýakyn we ynamly gatnaşyklary arkaly mümkin boldy – diýip, R.Golowçenko belledi.

Premýer-ministriň belleýşi ýaly, ýurtlar halkara guramalarynyň çäginde birek-birek bilen netijeli hyzmatdaşlyk alyp barýar. Pandemiýadan soňky döwürde ynsanperwerlik pudagynda özara gatnaşyk kem-kemden dikeldilýär, esasan hem, bu bilim, sport we medeniýet ugurlarynda has aýdyň ýüze çykýar.
Roman Golowçenko Türkmenistanyň Hökümetine Belarusda türkmen talyplaryny taýýarlamaga bolan ynamlary üçin minnetdarlyk bildirdi. Şeýle hem Belarus bilen Türkmenistanyň dürli ugurlarda hyzmatdaşlyk etmeginiň baý mümkinçilikleriniň aýtdy.

— Bular, esasan, oba hojalygy, senagat, gurluşyk we ulag pudaklarydyr. Belarus tarapy Türkmenistan bilen gatnaşyklaryň çalt ösmegine gyzyklanýandygyny tassyklaýar we özara kabul ederlikli çözgütleri tapmak, şeýle hem özara peýdaly hyzmatdaşlygyň mundan beýläk-de ösdürilmegine päsgel berýän islendik meseläni çözmek üçin anyk amaly çäreleri görmäge taýýardyr – diýip, Premýer-ministr nygtady.

Türkmenistanyň Prezidenti Serdar Berdimuhamedow Türkmenistan bilen Belarus Respublikasynyň arasynda ýola goýlan dostlukly gatnaşyklaryň we özara bähbitli strategik hyzmatdaşlygyň yzygiderli pugtalandyrylýandygyna ünsi çekdi. Şunda iki ýurduň arasynda yzygiderli geçirilýän syýasy geňeşmeleriň we ýokary derejeli saparlaryň ähmiýeti dogrusynda bellenildi.


şu gün 10:37
599

Türkmenistanyň Mejlisiniň Başlygy Hindistanyň ilçisi bilen duşuşdy

26-njy noýabrda Türkmenistanyň Mejlisiniň Başlygy D.Gulmanowa Hindistanyň ilçisi Bandaru Wilsonbabu bilen duşuşdy. Bu barada milli Parlamentiň saýtynda habar berilýär. Mejlisiň ýolbaşçysy ilçini ýokary diplomatik wezipä bellenilmegi mynasybetli gutlap, oňa iki ýurduň arasyndaky köpugurly gatnaşyklary mundan beýläk-de ösdürmäge gönükdirilen işinde uly üstünlikleri arzuw etdi...

şu gün 10:16
525

ÝUNISEF-iň we ÝUNFPA-nyň Türkmenistandaky wekilhanalarynyň 2026-njy ýyl üçin iş meýilnamalary taýýarlanyldy

2026-2027-nji ýyllarda anyk çäreleri geçirmek üçin BMG-niň Çagalar gaznasy we Ilat gaznasy bilen Türkmenistanyň degişli ministrlikleriniň, pudak edaralarynyň, jemgyýetçilik guramalarynyň arasynda dürli ugurlar boýunça jemi 16 sany resminamanyň taslamalary işlenip taýýarlanyldy...

şu gün 10:04
1.9k+

Türkmenistanda dekabr aýynda geçiriljek esasy çäreleriň Tertibi aýdyldy

28-nji noýabrda geçirilen Hökümet mejlisinde wise-preýmer B.Seýidowa 2025-nji ýylyň dekabr aýynda geçiriljek esasy çäreleriň we açylyp ulanmaga beriljek medeni-durmuş maksatly binalaryň Tertibi barada hasabat berdi...

şu gün 10:01
1.9k+

5-nji dekabrdan Türkmenistanyň çäginde baýramçylyk söwdalary başlanar

5-nji dekabrdan başlap Türkmenistanyň welaýatlarynda hem-de Aşgabat, Arkadag şäherlerinde ýerleşýän söwda merkezlerinde, bazarlarda, dükanlarda baýramçylyk söwdalaryny amala aşyrmak, göçme söwda nokatlaryny gurnamak göz öňünde tutulýar...