Meksikadaky tako satylýan kiçijik garbanyşhana Michelin ýyldyzy berildi

  • 22.05.2024 15:21
  • 14k+

Business Insider-iň habar bermegine görä, Mehiko şäherindäki kiçijik takohana  kompaniýanyň ilkinji meksikan ýolgörkezijisiniň çäklerinde Michelin ýyldyzyny aldy.

56 ýyl ozal Meksikanyň paýtagty San Rafael etrabynda döredilen El Califa de Leon garbanyşhanasy täze önümlerden we elýeterli bahadan ýasaýan ýönekeý, ýöne tagamly takolary bilen meşhurdyr.
El Califa de Leon-nyň satýan tagamynyň sanawy çäklije: bahasy 5 dollarlyk takonyň bary-ýogy dört görnüşini taýýarlaýar. Çaklaňja jaýa diňe birnäçe adam sygýar, şonuň üçin sargytlar köplenç penjireden kabul edilýär.


Baş aşpez Arturo Riwer Martinesiň pikirine görä, olaryň üstünliginiň syry oňat hilli önümleri we hakyky reseptleri ulanmaklaryndadyr. Ol: "Tortilýa, gyzyl ýa-da ýaşyl sous we et – iň bar gerek zat (iň oňat tako üçin) " - diýýär.
Garbanyşhananyň çaklaňjadygyna garamazdan, El Califa de Leon uzak wagtdan bäri ýerli ýaşaýjylaryň we jahankeşdeleriň söýgüsini gazanyp gelýär.
Michelin-iň hünärmenleri, esasanam, ony Gaonera takolaryny ökde taýýarlaýandygy üçin bellediler. Bu tagam, edaranyň özi ýaly, “El Kalifa de Leon” lakamly meksikaly öküz söweşiji Rodolfo Gaonanyň adyny göterýär (ol Meksikanyň Guanahuato ştatynyň Leon şäherinde doguldy). Şeýle hem, Gaonera matador usullarynyň biriniň ady. Gaonanyň takohanany esaslandyryjynyň ýakyn dostudygy bellendi.


17.04.2025 11:43
3.8k+

Meksikadaky gowakdan ýitip giden tlakotepeua halkynyň artefaktlary tapyldy

Meksikanyň Gerrero ştatynyň daglarynda ýerleşýän Tlaýokok gowagyndan ýitip giden tlakotepeua halkyna degişli däp-dessur sowgatlyklary tapyldy. Tapyndylar nusgawy eýýamdan (950-1521) soňky döwre degişli diýip, Heritage Daily neşiri habar berýär ...

02.03.2025 06:48
5.1k+

Meksikada sapotekleriň ýiten şäheri tapyldy. Ol ýerde hatda top oýnamak üçin meýdançalar hem bolupdyr

Meksikadaky arheologlar sapotekleriň ýitip giden şäherini tapdylar. 600 ýyldan gowrak ozal bar bolan Giýengola göwrümi we ösen infrastrukturasy bilen alymlary haýran galdyrdy. Bu barada Live Science neşiri habar...

13.12.2024 16:25
19k+

Meksikada ýol çekip ýören gurluşykçylar gadymy piramidanyň üstünden bardylar

Meksikanyň Idalgo sebitinde gurluşykçylar täze gara ýoly çekip ýörkäler 1375 ýaşly piramidanyň üstünden bardylar. Tapyndy asteklere garaşsyzdygy bilen tanalýan, Ispaniýadan öňki Mestitlan şalygyna degişlidir. Açyş...

09.11.2024 17:48
6.4k+

Arheologlar Meksikada üstünden 2000 ýyl geçen uly obserwatoriýany tapdylar

Meksikada Milli Antropologiýa we taryh institutynyň (INAH) arheologlary Puebla ştatynyň Tetelihtik şäherinde gadymy astronomiýa toplumyny tapdylar. Takmynan, 30 müň inedördül metr meýdany eýeleýän obserwatoriýa...