“Mançester Sitiniň” ýarym goragçysy Fil Foden 2023/24-möwsüminde Angliýanyň premýer-ligasynyň (APL) iň gowy oýunçysy diýlip ykrar edildi.
23 ýaşly angliýaly 35 oýunda 19 gol geçirip we 8 netijeli geçirim edip, toparyň çempion titulyny almagynda esasy şahsyýetleriň birine öwrüldi.
Foden baýrak üçin göreşde Erling Holand (Mançester Siti), Aleksander Isak (Nýukasl), Koul Palmer (Çelsi), Martin Edegor (Arsenal), Deklan Raýs (Arsenal), Wirjil wan Deýk (Liwerpul) we Olli Uotkins (Aston Willa) ýaly ýyldyzlardan öňe geçdi.
Ýeri gelende bellesek, bu APL-iň iň gowy oýunçysy üçin baýragyň yzygider bäşinji gezek “Mançester Sitiniň” futbolçysyna berilmegidir. Geçen möwsümde ony Erling Holand aldy, 2019/20 we 2021/22-möwsümlerinde baýraga Kewin de Brýoýne, 2020/21-möwsüminde Ruben Diaş mynasyp boldy.
“Mançester Siti” 38 oýnuň jemi boýunça 91 utuk ýygnap, APL-iň çempiony titulyna eýe boldy.
