“Variety” neşiriniň maglumatlaryna görä, “Mortal Kombat 2” filmi 2025-nji ýylyň 24-nji oktýabrynda prokata çykar. Filmiň režissýory hökmünde 2021-nji ýylda çykan birinji bölümi surata düşüren Saýmon Makkuoýd çykyş eder diýip, “Çempionat” portaly habar berýär.
“Mortal Kombat 2” birinji bölümiň wakasyny dowam etdirer. Esasy gahrymanlar gaýdyp geler, şeýle-de täze gahrymanlar peýda bolar. Ekşen-aktýor we söweşiji Jonni Keýjiň keşbini “Ýigitler” (Пацаны) serialynyň ýyldyzy Karl Urban ýerine ýetirer. Adelin Rudolf şa gyzy Kitana hökmünde çykyş eder, Tati Gabriel bolsa Jeýdiň keşbini janlandyrar.
Filmiň birinji bölümi tankytçylar we tomaşaçylar tarapyndan dürlüçe garşylandy. Köp adamlar kartinanyň tempini we baş keşpleri ýerine ýetiren aktýorlary gowy gördüler.
Ikinji bölümiň sýužeti barada heniz jikme-jik maglumat ýok.
