Apple korporasiýasynyň baş müdiri Tim Kuk günlerde bir gün işinden çekiler, onuň oruntutary bolmaga iň ýakyn adam bolsa enjam üpjünçiligini işläp taýýarlamak bölüminiň başlygy Jon Ternus hasaplanýar diýip, çeşmelere salgylanyp, Bloomberg habar berýär.
Kuk 63 ýaşynda, Ternus 49 ýaşynda. Bu ýaş ony ýene bir mümkin bolan dalaşgär – 61 ýaşly baş operasion müdir Jeff Uilýamsdan tapawutlandyrýar. Uilýams öňden bäri potensial oruntutar hasaplanýardy, ýöne müdirler geňeşi kompaniýanyň täze ýolbaşçysynyň bu wezipäni azyndan 10 ýyl eýelemegini isleýär. Şeýlelikde, Kuk derrew işden giden ýagdaýynda-da, Uilýams korporasiýany dolandyryş möhletiniň ahyryna çenli 70 ýaşlarynda bolardy.
Ternus Apple kompaniýasyna 2001-nji ýylda goşuldy we häzir ýygy-ýygydan kompaniýanyň täze önümleriniň ýüzi bolýar. Munuň şeýledigini maý aýynyň başynda geçirilen iPad 7-niň anonsy-da görkezip biler.
