Oguz han adyndaky “Türkmenfilm” birleşiginiň ýaş režissýory Isgendermuhammet Annamuhamedowyň surata düşüren “Dutaryň owazy” çeper filmi 29-30-njy aprelde Farabi film festiwalynda emin agzalarynyň ýörite baýragyna mynasyp boldy.
Festiwalyň Gran-pri baýragyna Gyrgyzystandan Saadat Kazakbaýewiň "Alagaraňkylyklardaky jaň" filmi mynasyp boldy.
Festiwal Gazagystanyň Al-Farabi milli uniwersitetiniň 90 ýyllygy mynasybetli TÜRKSOÝ halkara guramasy bilen bilelikde geçirildi.
"Dutaryň owazy" filmi festiwalda kino muşdaklara görkezildi. Film kino muşdaklarda uly täsir galdyrdy.
“Dutaryň owazy” filmi kino tomaşaçylara türkmen halkynyň saz sungaty babatda maglumat almaga giň mümkinçilik döretdi.
Mundan ozal, bu film Belarusda geçirilen “Listapad” we türki dünýäsiniň “Gorkut ata” kinofestiwallarynda görkezildi.
Mälim bolşy ýaly, türki dünýäsiniň “Gorkut ata” kinofestiwaly üstümizdäki ýylda Türkmenistanda geçiriler.
