Milliarder Ilon Maskyň baýlygy aprel aýynyň soňky hepdesinde 37,3 mlrd dollar artdy, bu hem onuň üçin 2022-nji ýylyň mart aýyndan bäri iň uly hepdelik ösüş boldy diýip, Bloomberg habar berýär.
Bloomberg Billionaries Index reýtingine görä, Space X, Tesla kompaniýalarynyň esaslandyryjysy we X sosial ulgamynyň eýesi baýlygy boýunça üçünji orunda durmak bilen (202 mlrd dollar), ikinji orunda ýerleşýän Amazon-yň esaslandyryjysy Jeff Bezosyň (203 mlrd dollar) yzyndan ýetdi diýen ýaly. Birinji orny LVMH kompaniýalar toparynyň ýolbaşçysy Bernar Arno (217 mlrd dollar) eýeleýär.
Forbes Real Time Billionaries reýtingine görä, Mask baýlygy boýunça ikinji orny eýeleýär (205 mlrd dollar). Birinji orunda 210 mlrd dollar bilen Arno, üçünji orunda 199 mlrd dollar bilen Bezos ýerleşýär.
Bloomberg agentliginiň belleýşi ýaly, 29-njy aprelde Mask 18,5 mlrd dollar baýady – bu Bloomberg-iň hasaby boýunça milliarderleriň arasynda möçberi boýunça 13-nji, Maskyň özi üçin bolsa ýedinji günlük girdejidir.
Agentlik işewüriň işleriniň gowulanmagyny Tesla-nyň üstünlikleri bilen baglanyşdyrýar.
