Awstraliýaly boksçy Tim Szyu (23-1) Sebastýan Fundoradan ýeňlenden soň, özüni dikeltmäge mümkinçilik aldy. WBA oňa ýeňilmezek amerikaly Wýorjil Ortis-kiçi (20-0) bilen söweş gurap berer. Söweş 3-nji awgustda bolar we kiçi orta agramda WBA-nyň wagtlaýyn guşagyny almak ugrundaky söweş bolar diýip, “Çempionat” habar berýär.
Bu söweşiň ýeňijisi häzirki wagtda Terens Kroufordyň eýeleýän adyna hökmany bäsdeş bolar. Şeýle-de bolsa, Jermell Çarlo hem guşak üçin mümkinçiliklerini saklaýar.
Soňky söweşinde Szyunyň Sebastian Fundoradan ýeňlendigini ýatladýarys. Ortis bolsa soňky söweşinde Fredrik Lousony ýeňipdi.
Duşuşygyň gyzgalaňly bolmagyna garaşylýar, sebäbi boksçylaryň ikisi-de nokaut urmakda meşhurdyr. Şeýlelikde, Tim Szyu 23 ýeňşiniň 17-sini nokaut bilen gazandy, Ortis bolsa 20 söweşde 20 garşydaşynyň hemmesini hem nokauta goýberdi.
