Sosializm döwründe Germaniýada gurlan panel jaýlar binagärlik ýadygärlikleri hökmünde ykrar edildi. Bu barada Bild neşiri Telegramda habar berdi.
GDR-de Wohnungsbauserie 70 (WBS 70) panel jaýlaryň tapgyry 1970-nji ýylda işlenip düzüldi, olaryň gurluşygy üç ýyldan soň başlandy. 1990-njy ýyla çenli Gündogar Germaniýada, takmynan, 1,3 million täze öý ulanylmaga berildi.
Germaniýa birleşdirilenden soň, köp panel jaýlar ýykylyp aýryldy ýa-da döwrebaplaşdyryldy. Häzirki wagtda Germaniýada WBS 70 taslamada gurlan diňe birnäçe jaý galdy.
Leýpsig ýadygärliklerini goramak gullugynyň başlygy Klaus Ýeştedt 30 ýyl ozal beýle binalary binagärlik gymmatlygy hökmünde gorag astyna almagyň özi manysyz bolardy, emma soňky ýyllarda GDR-den galan panel jaýlar hökmünde ykrar edilip bilinjek jaýlaryň sanynyň ep-esli azalandy diýip belledi. Käbir şäherlerde - Rostokda, Drezdende, Gerde, Gallede we Bernauda – panel jaýly kiçi etrapçalaryň hemmesi ýadygärlik hökmünde ykrar edildi.
