HBS: Kwentin Tarantino “Kino tankytçysy” filmini surata düşürmek pikirini üýtgetdi

  • 19.04.2024 15:24
  • 4.2k+

Režissýor Kwentin Tarantino karýerasynda onunjy, ähtimal, iň soňky bolup biljek “Kino tankytçysy” («Кинокритик») filmini surata düşürmezlik kararyna geldi. Bu barada “Deadline”, “The Hollywood Reporter” we “Variety” ýaly abraýly neşirler habar berýärler.

Kino synçysy barada gürrüň berýän filmiň wakasy 1977-nji ýylda Kaliforniýada ýaýbaňlanýar. Tarantino eýýäm ssenariýany ýazdy we baş keşbe Bred Pitti çagyrdy – ol öň režissýoryň “Günlerde bir gün Golliwudda” («Однажды… в Голливуде») filminde surata düşdi we munuň üçin aktýorlyk karýerasynda häzirlikçe ýeke-täk “Oskara” mynasyp boldy.
“Kino tankytçysynyň” surata düşürilişi şu ýylyň awgust aýynda başlamalydy.
Filmiň ýatyrylmagynyň sebäbi habar berilmeýär. “Deadline” neşiriniň çeşmeleri Tarantinonyň pikirini üýtgedendigini, “Variety” neşiriniň çeşmeleri bolsa režissýoryň ssenariýalary täzeden ýazmak ýa-da taslamany haýsydyr bir görnüşde dowam etdirmek islemändigini habar berýärler. Munuň deregine ol täze zat bilen meşgullanmagy meýilleşdirýär.
Öň, Tarantino karýerasynda 10 sany doly metražly film surata düşürmekçidigini we 60 ýaşlarynda pensiýa çykmakçydygyny aýtdy (2023-nji ýylda 60 ýaşyny doldurdy). Eger “Billi öldürmegiň” («Убить Билла») iki bölümini bir film hasap etseň, “Kino tankytçysy” filmi onuň karýerasynda onunjy kinosy bolup bilerdi.
Belläp geçsek, bu Tarantinonyň filmi ilkinji gezek ýatyryşy däl. 2014-nji ýylda ol “Ýigrenji sekizligiň” («Омерзительная восьмёрка») ssenariýasy internet toruna düşenden soň, filmiň çykyşyny soňa goýdy.
2019-njy ýylda Tarantino Paramount üçin “Ýyldyz ýoly” («Звездный путь») filmini surata düşürmekden hem ýüz öwürdi. Režissýor ony “has uly göwrümli” hasaplady.


düýn 21:08
1k+

Kwentin Tarantino "Açlyk oýunlarynyň" döredijilerini plagiatda aýyplady

Režissýor Kwentin Tarantino "Açlyk oýunlary" (The Hunger Games) franşizasynyň 1999-njy ýylda çykan "Şa söweşi" (Battle Royale) atly ýapon romanyndan we onuň film adaptasiýasyndan göçürilip alnandygyny (plagiatdygyny) öňe sürdi diýip, "The Hollywood Reporter" neşiri habar berýär...

29.11.2025 11:02
7.3k+

«Kompozitor» atly türkmen filmi «Göwher kebelek» atly Açyk Ýewraziýa kinobaýragyna mynasyp boldy

Türkmen kinoçylarynyň surata düşüren «Kompozitor» atly çeper filmi «Göwher kebelek» atly Açyk Ýewraziýa kinobaýragynyň ilkinji gowşurylyş dabarasynda «Iň gowy suratçy» ugrunda iň gowusy diýlip ykrar edildi. Dabara 27-nji noýabrda Moskwada, russiýaly režissýor Nikita Mihalkowyň «Ussahana 12» diýen ýerinde geçirildi diýip, "Türkmenistan: Altyn asyr" neşiri habar berýär...

29.11.2025 09:20
1.9k+

Jeýms Kemeron Netflix-iň filmleriniň “Oskar” baýragyna dalaş etmegine garşy çykdy

Režissýor Jeýms Kemeron Netflix-iň filmleriniň «Oskar» baýragyna gatnaşmaly däldigini aýtdy. Ol öz pikiri bilen «The Town with Matt Belloni» podkastynda paýlaşdy. «Awatar» we «Titanik» filmleriniň režissýory Netflix-iň filmleri diňe akademiýanyň düzgünlerine laýyk gelmek üçin gysga möhletleýin çäkli kinoprokata goýbermek tejribesini tankytlady...

29.11.2025 09:06
4.5k+

Paramount Jeki Çanyň we Kris Takeriň gatnaşmagynda «Dykyn wagty 4» filmini çykarar

Paramount studiýasy komediýa görnüşli «Dykyn wagty» («Час пик») uruşly filminiň dördünji bölümini çykarmak barada şertnama baglaşdy. Täze filmiň režissýory franşizanyň öňki bölümleriniň ählisini düşüren Brett Retner bolar...