Wenada Awstriýa-Türkmen jemgyýetiniň 16 ýyllygy bellendi. Ýurduň ilçihanasy iki döwletiň arasyndaky medeni gatnaşyklara bagyşlanan birnäçe duşuşyklary geçirdi diýip, MIR 24 habar berýär.
Olaryň biri Wenanyň Bezendorfer fortepiano salonynda geçirildi. Agşamyň myhmanlary üçin türkmen aýdymçylary çykyş etdiler. Aýdymlar we goşgular ýerine ýetirildi.
«Men elimde Türkmenistana bagyşlap, dört dilde ýazan kitabymy, goşgularymyň neşirini saklaýaryn. Türkmenistany örän gowy görýärin, köp goşgy ýazmagymyň sebäbi hem şonuň üçin bolsa gerek» diýip, Awstriýa-Türkmen jemgyýetiniň başlygy Neda Berger aýtdy.
Soňra bolsa «Türkmenfilm» birleşigi tarapyndan surata düşürilen «Kompozitor» atly täze film görkezildi.
