Azerbaýjanyň, Türkiýäniň we Türkmenistanyň arasyndaky hyzmatdaşlyk etmek barada ylalaşyk tassyklanyldy

  • 09.04.2024 00:31
  • 10k+

Türkiýäniň Prezidenti Rejep Taýyp Ärdogan Azerbaýjanyň, Türkiýäniň we Türkmenistanyň arasyndaky söwda we ykdysady hyzmatdaşlyk baradaky Hökümetara şertnamany tassyklaýan karara gol çekdi. Bu barada ORIENT agentligi Türkiýäniň döwlet gazeti bolan “Resmi Gazete” salgylanyp habar berýär.

Üç ýurt harytlar we hyzmatlar, energetika, oba hojalygy, azyk önümçiligi we maldarçylyk, gurluşyk pudagy, maşyn önümçiligi, enjamlar we materiallar, maşyngurluşygy we awtoulag senagaty, himiýa senagaty, dokma pudagy, senagat, ulag we logistika, maliýe pudagy we maýa goýumlary ýaly dürli ugurlarda uzak möhletleýin hyzmatdaşlygy ösdürmek barada ylalaşdylar.
Mundan başga-da, şertnamada lukmançylyk hyzmatlary we tehnologiýalary, derman senagaty, syýahatçylyk, kiçi we orta kärhanalar, kompýuterleri, maglumat we aragatnaşyk tehnologiýalaryny, kosmos pudagy we howa giňişligi, poçta hyzmatlary boýunça uzak möhletleýin hyzmatdaşlygy ösdürmegi göz öňünde tutulýar.
Bu ylalaşyk 2022-nji ýylyň dekabrynda, Türkmenbaşy şäherinde Türkmenistanyň, Azerbaýjanyň we Türkiýäniň döwlet Baştutanlarynyň - Serdar Berdimuhamedowyň, Ilham Alyýewiň we Rejep Taýyp Ärdoganyň arasynda bolan ilkinji sammitinde gol çekilipdi.
Sammit ykdysady ugurda üçtaraplaýyn hyzmatdaşlygyň mundan beýläk-de ösdürilmegine gönükdirildi. Gepleşikleriň netijesinde Aşgabat, Baku we Ankara hyzmatdaşlyk barada üç taraplaýyn resminama hem gol çekdi.


düýn 17:21
2.8k+

Türkmenistan we Russiýa halkara maglumat howpsuzlygy mowzugy boýunça geňeşmeleri geçirdi

16-njy sentýabrda Moskwa şäherinde halkara maglumat howpsuzlygy mowzugy boýunça türkmen-rus Daşary işler ministrlikleriniň arasynda geňeşmeleri geçirildi. Duşuşyk iki ýurduň degişli ministrlikleriniň arasynda 2025-2026-njy ýyllarda hyzmatdaşlyk etmegiň maksatnamasyny iş ýüzünde durmuşa geçirmegiň çäklerinde guraldy...

düýn 16:31
4.2k+

Ahal welaýatynyň Kaka etrabynda täze Bagtly zamana obasynyň açylyşy bolýar

Ahal welaýatynyň Kaka etrabynyň Gowşut geňeşliginde täze, döwrebap Bagtly zamana obasynyň açylyş dabarasy geçirilýär. Prezident Serdar Berdimuhamedow dabara gatnaşyjylara gutlag iberdi. "Sizi Halkara parahatçylyk...

düýn 16:19
4k+

Serdar Berdimuhamedow Rustam Minnihanowa saýlawlarda ýeňiş gazanmagy mynasybetli gutlady

Serdar Berdimuhamedow Türkmenistanyň halkynyň we Hökümetiniň adyndan, şeýle hem hut öz adyndan Rustam Minnihanowa saýlawlarda ýeňiş gazanyp, Russiýa Federasiýasynyň Tatarystan Respublikasynyň Baştutany wezipesine gaýtadan saýlanylmagy mynasybetli tüýs ýürekden gutlaglaryny iberdi...

16.09.2025 20:33
2.3k+

Raşid Meredow Bahreýniň daşary işler ministriniň orunbasary bilen duşuşdy

16-njy sentýabrda Türkmenistanyň daşary işler ministri Raşid Meredow Bahreýn Patyşalygynyň daşary işler ministriniň orunbasary Talal Abdulsalam Al Ansari bilen duşuşdy. Bu barada Türkmenistanyň DIM-niň saýtynda habar berilýär...