2024-nji ýylyň 1-nji aprelinde Apple-iň döredilenine 48 ýyl doldy. Stiw Jobsuň ýönekeýje ulagjaýyndan işini ugrukdyryp başlan kompaniýa häzirki wagtda dünýäde iň täsirli we täzelikçi kompaniýalaryň birine öwrüldi.
Öz taryhynyň dowamynda Apple 1984-nji ýylda ilkinji Macintosh-y çykmak bilen, personal kompýuter pudagynda öwrülişik döretdi. 2007-nji ýylda täze ülňüleri kesgitleýän we tutuş bir pudagy döreden iPhone-yň peýda bolmagy netijesinde ykjam enjamlar bazarynda bir öwrülişik boldy.
Bu günki gün Apple diňe bir Mac kompýuterlerini we iPhone smartfonlaryny hödürlemek bilen çäklenmän, eýsem iPad planşetlerini, Apple Watch akylly sagatlaryny, AirPods simsiz gulaklyklaryny we başga-da köp zatlary çykarýar. Ýaňy-ýakynda kompaniýa ýene bir öwrülişikli enjamy - Apple Vision Pro garyşyk hakykat gulaklygyny hödürledi.
Kompaniýanyň App Store, Apple Music, iCloud ýaly hyzmatlary bütin dünýäde meşhurdyr.
