Samsung Display Apple kompaniýasyna iPhone SE 4 üçin her biri 30 dollar bahada paneller bilen üpjün etmegi teklip etdi. Ýöne Apple bu bahany örän gymmat hasaplap, teklipden ýüz öwürdi. Bu barada gizmochina salgylanyp, ixbt.com habar berýär.
Netijede, Samsung gepleşik prosesinden çykdy. Habar berlişi ýaly, kupertinoly kompaniýa bir panel üçin 25 dollar bahada has tygşytly wariant gözleýär. Şol bir wagtyň özünde, Apple displeý önümçiliginde zerurlyklaryny kanagatlandyrmak üçin Hytaýyň BOE öndürijisi bilen gepleşik geçirýär. Displeýleriň iň gymmat smartfon komponentleriniň biridigini göz öňünde tutsaň, kompaniýanyň arzan iPhone SE hatary üçin çykdajylaryny tygşytlamak islegi düşnüklidir.
Mundan başga-da, iPhone SE 4-üň Face ID, kämilleşdirilen 48 Mp esasy kamera we has çalt platforma bilen üpjün edilmegine garaşylýar. Muňa garamazdan, displeý üpjün edijisiniň üýtgemegi önümçilik tertibine ýa-da gurluşyň ahyrky ownuk söwda bahasyna täsir edip biler.
Gürrüňlere görä, kompaniýa 2025-nji ýylda 15 mln iPhone SE 4 smartfonyny çykarmagy meýilleşdirýär.
