Barselonada meşhur Keramatly Maşgala (Sagrada Familiýa) ybadathanasynyň gurluşygy gurluşyk başlanandan 144 ýyl soň, 2026-njy ýylda tamamlanar. Bu barada gurluşygy alyp barýan guramanyň prezidenti Estewe Kempsyň beren beýanatyna salgylanýan The Guardian habar berdi.
172,5 metr beýiklikdäki merkezi diň ýakyn ýyllarda gurlar. Kempsyň sözlerine görä, baş ybadathananyň gurluşygyny tamamlamak üçin ähli zerur serişdeler we materiallar bar.
Binanyň özi 2026-njy ýylda gurlup gutarylar, ýöne heýkeller we basgançaklar ýaly bezeg elementleriniň üstünde işlemek has uzaga çeker. Ähli işleri 2034-nji ýylda gutarnykly tamamlamak meýilleşdirilýär.
Sagrada Familiýanyň gurluşygy 1882-nji ýylda oba hojalyk maksady bilen ulanylýan ýerde başlandy. Ybadathana Kataloniýanyň meşhur binagäri Antonio Gaudi tarapyndan taslamalaşdyryldy.
Uly göwrümli taslama-pikir awtor aýatda dirikä durmuşa geçirilmedi, ýöne Barselonanyň ýaşaýjylary ybadathananyň üstünde işlemegi dowam etdirdiler. Gurluşyk üçin serişde haýyr-sahawatyň hasabyna ýygnaldy we soňky onýyllyklarda bolsa ybadathananyň gurluşygy syýahatçylykdan gelýän puluň hasabyna dowam etdirildi.
