Türkmenistanyň futbol boýunça milli ýygyndysy Dünýä çempionaty - 2026-nyň ikinji saýlama tapgyrynyň 3-nji tapgyr duşuşygynda Eýrandan ýeňildi. Tähranda "Azady" stadionynda geçirilen duşuşyk 5:0 hasabynda tamamlandy.
Eýranyň düzüminde "Persepolisiň" goragçysy Hosseýn Kanaani dubl etdi (10-njy we 48-nji minutlar). Bir goldan "Romanyň" hüjümçisi Serdar Azmun (13), "Rostowyň" ýarymgoragçysy Mohammad Mohebi (56) we "Sepahanyň" goragçysy Omid Nurafkan (90+2) geçirdi.
"E" toparda ugurdaş duşuşykda Özbegistanyň milli ýygyndysy myhmançylykda 2:0 hasabynda Gonkongdan üstün çykdy.
Türkmenistanyň milli ýygyndysy Dünýä çempionaty 2026-nyň üç sany saýlama tapgyr duşuşygyndan soň toparda üçünji orny eýeleýär. Birinji oýunda türkmen futbolçylary 1:3 hasabynda Özbegistandan ýeňildiler, ikinji oýunda Gonkong bilen 2:2 deňme-deň oýnadylar.
Türkmenistan bilen Eýranyň arasynda jogap duşuşygy 26-njy martda Aşgabatda geçiriler.
