Türkmenistanyň Finlýandiýa Respublikasyndaky ilçisi Ý.Serýaýew (oturýan ýeri London ş.) Finlýandiýanyň täze saýlanan prezidenti Aleksander Stubbyň inaugurasiýasyna gatnaşdy. Dabara 1-nji martda geçirildi diýip, ýurdumyzyň daşary syýasat edarasy habar berdi.
Ýurduň Parlamentinde geçirilen çärede öňki prezident Sauli Niinistu we täze saýlanan döwlet baştutany Aleksander Stubb we Parlamentiň başlygy Ýussi Halla-aho çykyş etdiler.
Inaugurasiýa tamamlanandan soňra Prezident köşgünde öňki we täze prezidentler Finlýandiýada akkreditirlenen ilçiler bilen duşuşdylar. Munuň çäklerinde, Türkmenistanyň ilçisi Finlýandiýanyň prezidenti Aleksandеr Stubby Türkmenistanyň Prezidentiniň adyndan gutlady we iň gowy arzuwlary ýetirdi. Gutlag we arzuwlar minnetdarlyk bilen kabul edildi.
Şeýle-de Türkmenistanyň ilçisi Finlýandiýa Respublikasynyň daşary işler ministri Elina Waltoneniň diplomatik korpusy üçin gurnalan ýurduň daşary we howpsuzlyk syýasaty boýunça geçirilen brifingine gatnaşdy.
