Ýewropanyň Futbol assosiasiýalary bileleşigi (UEFA) Çempionlar ligasynyň 2023/24-nji möwsüminiň pleý-off tapgyrynyň oýunlarynda ulanyljak topy tanyşdyrdy diýip, guramanyň resmi web sahypasynda habar berilýär.
Top «Pro Ball London» diýlip atlandyryldy. Onuň dizaýny Londona bagyşlanýar – şäher 1-nji iýunda Çempionlar ligasynyň finalyny kabul eder. Topda ýyldyzlaryň arasynda arlaýan iki sany ýolbars şekillendirilipdir.
Çempionlar ligasynyň tapgyrynyň pleý-off oýunlary şu gün, 13-nji fewralda «Kopengagen» (Daniýa) – «Mançester Siti» (Angliýa) we «Leýpsig» (Germaniýa) – «Real» (Ispaniýa) jübütleriniň oýunlary bilen başlanar. Final 1-nji iýunda Londondaky «Uembli» stadionynda geçiriler.
