20-nji ýanwarda türkmen halkynyň Milli Lideri Gurbanguly Berdimuhamedow Tatarystan Respublikasynyň Baştutanyna sowgat berlen “Ak dost” atly türkmen alabaýynyň Kazan şäherinde «Merkezi Aziýa owçarkasy» derejesi boýunça Russiýanyň kinologiýa federasiýasynyň çempionatynda iki ugur boýunça çempion bolandygyny habar berdi. Şeýle hem Gurbanguly Berdimuhamedow degişli güwänamalary dabaraly ýagdaýda gowşurdy.
“Halkara ahalteke atlary” assosiasiýasynyň, «Türkmen alabaý itleri» assosiasiýasynyň wise-prezidenti B.Rejebow türkmen alabaýynyň dünýä ýüzündäki şöhradynyň belende galýandygyny alamatlandyran güwanamalaryny uly buýsanç bilen kabul etdi.
B.Rejebow häzirki döwrüň şatlykly wakalaryna hoşallygyň nyşany hökmünde Şatlyk atly alabaýjygy Türkmenistanyň Prezidentine gowşuryp bermegini Gurbanguly Berdimuhamedowdan ähli itşynaslaryň adyndan haýyş etdi.
