Geçen ýyl dünýädäki adamlar ykjam goşundylara $171 mlrd sarp etdiler

  • 14.01.2024 16:33
  • 2.7k+

2022-nji ýylda ykjam goşundylaryň ykdysadyýeti ilkinji gezek gowşady, ýöne bu pudak 2023-nji ýylda ösüşe gaýdyp geldi. 2023-nji ýylda ykjam programma üpjünçiligi üçin sarp ediji çykdajylary 3% ýokarlanyp, 171 mlrd dollara ýetdi. Muny Data.ai platformasynyň App Store, Google Play we Hytaýyň Android goşundylarynyň dükanlary baradaky hasabatynyň maglumatlary delillendirýär diýip, 3dnews.ru ýazýar.

2023-nji ýylda oýun däl goşundylara sarp ediji çykdajylary 11% ýokarlanyp, 64 mlrd dollara ýetdi. Bu tendensiýa öňdebaryjylygy TikTok saklaýan sosial ulgamlar ýardam etdi – gysga wideolar hyzmatynyň ähli döwürdäki girdejisi 10 mlrd dollardan geçdi. Goşundy, takmynan, 257 mlrd gezek ýüklenildi, bu bir ýyl ozalkydan 1% köpdür. Çaklamalara görä, şu ýyl sosial ulgamlaryň goşundylarynda sarp ediji monetizasiýasy 150% ýokarlanyp, 1,3 mlrd dollara ýeter.
2023-nji ýylyň jemi boýunça 1500-den gowrak goşundy 10 mln dollardan gowrak ýyllyk girdejini üpjün etdi, 219 goşundy 100 mln dollar bellikden, 13 goşundy bolsa 1 mlrd dollar bellikden geçdi – bulardan 4-üsi bu ugurda ilkinji boldy: Royal Match, Google One, Max we Gardenscapes.
Sarp ediji çykdajylarynyň ösüşine generatiw emeli intellekt segmenti itergi berdi – bu ýerde goşundylar bazary köp sanly emeli intellektli çat-botlaryň we şekil generatorlarynyň peýda bolmagy netijesinde 7 esse ýokarlandy. Sarp ediji çykdajylary nukdaýnazaryndan öňdebaryjylar ChatGPT, Ask AI we Open Chat boldy. 4000 sany bar bolan we 2500 sany täze goşundynyň beýanynda “çat-bot” belligi peýda boldy, ýene 3500 goşundy beýana GPT abbrewiaturasyny goşdy.
Goşundylary ýüklemekde esasy paý Hytaýa düşýär, ikinji orny Hindistan, üçünji orny ABŞ eýeledi. Goşundylarda ulanyjylar rekord 5,1 trln sagat geçirdiler, bu bir ýyl ozalkydan 6% köpdür.
2023-nji ýylda mobil mahabat çykdajylary 8% ýokarlandy we 362 mlrd dollara ýetdi – 2024-nji ýylda 16,2% - 402 mlrd dollara çenli ösüşe garaşylýar. Öňdebaryjy on bazarda bir ulanyjy üçin ykjam gurluşda bir günde geçirilen ortaça wagt 2022-nji ýyldan bäri 6% ýokarlanyp, 5 sagatdan geçdi – ösüşi YouTube, WhatsApp, Facebook, TikTok, Chrome, Instagram we Netflix üpjün etdi.
2023-nji ýylda mobil oýunlaryň segmenti peseldi: çykdajylar bir ýylda 2% peselip, 107 mlrd dollar boldy. Oýunlar 88 mlrd gezek ýüklenildi. Monopoly GO we EA Sports FC Mobile Soccer çalt ösüş gazandy, Genshin Impact üçin çykdajylar bu döwürde 4 mlrd dollardan geçdi.
Ýylyň dowamynda goşundylarda çäreler üçin petek satuwy 31% ýokarlandy, bu, esasan, Teýlor Swiftiň we Beýonseniň konsertleri netijesinde boldy. Bu görkeziji pandemiýadan öňki derejeden 66% ýokarydyr. 
Gurnamalar we çykdajylar boýunça iň gowy goşundy TikTok boldy, ýöne adamlar, esasan, Facebook-da köp wagt geçirdiler. Oýunlaryň arasynda öňdebaryjylar Subway Surfers (ýüklemeleriň sany boýunça), Candy Crush Saga (çykdajylaryň göwrümi boýunça) we Roblox (aýda işjeň ulanyjylaryň sany boýunça) boldy.

düýn 18:27
3.2k+

Magnus Karlsen ChatGPT bilen küşt oýnap, ýekeje malyny ýitirmän utdy

Norwegiýaly grossmeýster Magnus Karlsen ChatGPT bilen bir döw küşt oýnap, ony utdy. Küşt boýunça 16-njy dünýä çempiony emeli aň bilen oýnamakdan alan täsirlerini we ekran suratlaryny sosial ulgamlarda paýlaşdy...

düýn 18:18
1.3k+

“Lilo we Stiç” golliwud filmlerinden ilkinji bolup milliarda has golaýlady

Disney studiýasynyň “Lilo we Stiç” remeýki ýedi hepdäniň dowamynda 994,2 mln dollar ýygnady. Häzirki dinamikany göz öňünde tutsaň, “Lilo we Stiç” Hytaýyň “Neçža 2” animasiýasyndan soň, 1 mlrd dollardan geçjek ilkinji film bolup biler diýip, The Wrap neşiri habar berýär...

düýn 17:24
2.2k+

Spotify-da million diňleýjisi bolan meşhur rok-topary emeliň aňyň önümi bolup çykdy

5-nji iýunda ilkinji albomyny çykaran we Spotify-da bir million diňlenme gazanan The Velvet Sundown rok toparynyň dolulygyna emeli aň tarapyndan döredilendigi anyklanyldy. Bu barada The New York Post habar berýär...

düýn 11:52
6.2k+

Gurbanguly Berdimuhamedow Hazaryň kenary boýunça welosipedli gezelenç etdi

13-nji iýulda Balkan welaýatynda iş saparynda bolýan Türkmenistanyň Halk Maslahatynyň Başlygy Gurbanguly Berdimuhamedow ir säher bilen “Awaza” milli syýahatçylyk zolagynda ýerleşýän köpugurly sport toplumyna geldi we bu ýerde adaty endigine eýerip, irki sport maşklaryny ýerine ýetirdi...