Google we Samsung Android üçin faýly çalt paýlaşmagyň täze ulgamyny döretmek üçin tagallalaryny birleşdirdiler. Kompaniýalar täze önümi Las-Wegasdaky CES sergisinde hödürledi diýip, Ferra GSMArena salgylanyp habar berdi.
Quick Share diýlip atlandyrylýan ulgam Apple -iň AirDrop -yna meňzeş funksiýany ýerine ýetirýär. Täze ulgam Google-yň 2020-nji ýylda hödürlän Nearby Share atly bar bolan aýratynlygynyň ornuny tutar diýlip garaşylýar.
Quick Share Samsung-yň tejribesini birleşdirmek we Android ýa-da Chrome OS enjamlarynyň arasynda mazmun paýlaşmak üçin iň esasy ýerli warianty döretmek bilen, iki dünýäniň iň gowularyny birleşdirýär.
Täze ulgam ulanyjylara Quick Share nyşanyna basmaga we golaýda elýeterli enjamlaryň sanawyny almaga mümkinçilik berýär.
Mundan başga-da, Google geljekde öňünden gurlan programma hökmünde Windows PC-lerinde Quick Share-i giňeltmek üçin LG ýaly öňdebaryjy kompýuter öndürijileri bilen işleşýär. Täze ulgamyň fewral aýynda enjamlara çykyp başlamagyna garaşylýar.
