2022-nji ýylda Katarda futbol boýunça dünýä çempionatlarynyň taryhynda çempionatyň iň bir ýatdan çykmajak jemleýji bölegi geçirildi. Indi bolsa bu ýurtda Aziýanyň kubogy geçirilýär.
Aziýaly toparlaryň arasynda ýaryş 12-nji ýanwardan 10-njy fewral aralygynda geçiriler.
Kubok ugrunda 24 milli ýygyndy, şol sanda Kataryň, Awstraliýanyň, Bahreýniň, Wýetnamyň, Gonkongyň, Hindistanyň, Indoneziýanyň, Iordaniýanyň, Yragyň, Hytaýyň, Gyrgyzystanyň, Liwanyň, Täjigistanyň, Taýlandyň, Malaýziýanyň, BAE-niň, Omanyň, Palestinanyň, Saud Arabystanynyň, Siriýanyň, Özbegistanyň, Günorta Koreýanyň we Ýaponiýanyň toparlary bäsleşer.
Bije atyşmak 2023-nji ýylyň maý aýynda geçirildi. Toparlar alty topara bölünýär. Bäsleşik dünýä çempionatynda ulanylan alty arenany hem goşmak bilen, sekiz stadionda geçiriler.
Guramaçylar ýaryşyň açylyş oýnunyň Katarda dynç güni - anna güni, jemleýji oýun bolsa, janköýerlere amatly bolar ýaly, hepdäniň dynç alyş günlerinde geçiriljekdigini bellediler.
Toparlaýyn oýunlary 12-25-nji ýanwar aralygynda geçirmek meýilleşdirilýär, 1/8 final oýunlary 28-31-nji ýanwarda, çärýek final oýunlary 2-nji we 3-nji fewralda, ýarym final oýunlary 6-njy we 7-nji fewralda geçiriler. Ýaryşyň finaly 10-njy fewralda bolar. Ýaryşyň guramaçylary üçünji ýer üçin oýun geçirmekden ýüz öwürdiler.
