Angliýanyň Kubogynyň çäklerindäki duşuşykda tegelek gyzyl kart görkezildi

  • 08.01.2024 15:00
  • 16k+

Angliýanyň Kubogynyň çäklerinde «Brentford» – «Wulwerhempton» toparlarynyň arasynda 1/32 final duşuşygynyň baş emini Toni Harrington tegelek gyzyl kart görkezdi. Duşuşygyň dokuzynjy minutynda «möjekleriň» portugaliýaly ýarymgoragçysy Žoao Gomes meýdançadan çykaryldy.

Azlykda oýnamak «möjekleriň» 1:1 hasabynda deňme-deň oýnamagyna päsgel bermedi. Bu gapma-garşylygyň ýeňijisi jogap duşuşygynda kesgitlener.
Adaty bolmadyk kartyň ulanylmagynyň esasy sebäbi – käbir futbolçylaryň reňkleri saýgarmakda kynçylyk çekmegidir. Şeýlelik bilen, oýunçy reňkleri tapawutlandyrmakda kynçylyk çekse-de, gönüburçly kartyň sary we tegelek kartyň gyzyl reňkdigine aç-açan düşünýär. Kartlaryň dürli şekilde bolmagy eminlere jübüsinde dogry duýduryşy tapmagy aňsatlaşdyrýar.
Bu waka ilkinji gezek däldir. 2023-nji ýylyň ýanwar aýynda hem «Rekshem» bilen «Şeffild Ýunaýted» toparlarynyň arasyndaky Angliýanyň Kubogynyň duşuşygynda tegelek gyzyl kart ulanyldy.


düýn 19:28
1.5k+

EA Sports FC 26-da Ibragimowiç, Inýesta, Totti we beýleki rowaýaty oýunçylar peýda bolar

Electronic Arts kompaniýasy futbol simulýatorynyň täze görnüşiniň — EA Sports FC 26 oýnunyň tanyşdyrylyşyna taýynlyk görýär. Oýun iýul aýynda resmi taýdan hödürlener, onuň çykjak senesi bolsa sentýabryň soňlaryna garaşylýar...

düýn 12:05
7.3k+

Klublaýyn dünýä çempionatynyň 1/8 finalyna gatnaşyjylaryň ählisi belli boldy

Amerikanyň Birleşen Ştatlarynda futbol boýunça Klublaýyn dünýä çempionatynyň toparçalaýyn tapgyrynyň 3-nji duşuşyklarynyň soňky oýun güni tamamlandy. H toparyň jemleýji duşuşyklarynda Madridiň «Realy» «Zalsburgy» 3:0 hasaby bilen ýeňdi...

düýn 10:22
6.7k+

Ronaldu "Al-Nasr" bilen şertnamasyny 2027-nji ýyla çenli uzaltdy

Kriştianu Ronaldu Saud Arabystanynyň «Al-Nasr» futbol kluby bilen şertnamasyny 2027-nji ýylyň tomsuna çenli uzaltdy. Bu barada toparyň resmi saýty habar berdi. 40 ýaşly portugaliýaly hüjümçiniň öňki şertnamasy 2025-nji ýylyň 30-njy iýunynda tamamlanmalydy...

25.06.2025 16:41
15k+

Türkmenistanyň milli ýygyndysynyň öňki tälimçisi litwa klubuna bellenildi

Türkmenistanly hünärmen Mergen Orazow Litwanyň “Dainawa” futbol toparynyň baş tälimçisi wezipesine bellenildi. Bu barada toparyň metbugat gullugy habar berdi. Ýewropa klubuna geçmegi tälimçiniň karýera  ösüşinde täze tapgyr boldy...