Honor sekiz ýadroly Qualcomm Snapdragon 8+ Gen 1 prosessorly X50 GT smartfonyny anons etdi. Bu barada championat.com habar berýär. Gurluşyň bahasy 280 dollardan başlaýar. Ol iki reňkde satylýar: Magic Night Black (gara) we Silver Winged Ares (kümüşsöw).
Gajet 2652x1200 piksel durulykly 6,78 dýuým OLED displeýine eýe bolup, onuň iň ýokary ýagtylygy 1200 nite we kadr ýygylygy 120 Gs barabar. Şeýle-de, öndüriji smartfony IP53 standarty boýunça çyglylykdan we tozandan gorag bilen üpjün edipdir.
Bulardan başga-da, enjam 35 Wt çenli kuwwatly simli zarýad berşi göterýän 5800 mA/s sygymly akkumulýatora eýedir. Kompaniýa gurluşyň 12 sagatlyk awtonom işe ýaramlydygyny belleýär. Smartfonyň galyňlygy 7,98 mm, agramy 192 g.
Häzirki wagtda Honor X50 GT satyn almak üçin diňe Hytaýyň çäginde elýeterlidir. Onuň dünýä bazaryna çykjak senesi heniz belli däl.
