Prezident Serdar Berdimuhamedow Eýran Yslam Respublikasynyň Prezidenti Seýed Ebrahim Raisä we goňşy ýurduň doganlyk halkyna Kerman şäherinde bolup geçen köpsanly adam pidalaryna we şikes ýetmelerine getiren terrorçylykly hereket zerarly gynanç hatyny iberdi.
Döwlet Baştutany şu agyr pursatda partlama zerarly gurban bolanlaryň dogan-garyndaşlaryna hem-de ýakynlaryna ýürekden gynanjyny we medet beriji sözlerini, ejir çekenlere bolsa, tiz wagtda sagalmaklary baradaky dileglerini beýan etdi.
3-nji ýanwarda Kerman şäherinde iki sany partlama bolup geçdi. Soňky maglumatlara görä, 84 adam aradan çykdy, 284 adam şikes aldy.
