Halkara küşt federasiýasy öz resmi web sahypasynda FIDE-niň reýtingi hakyndaky düzgünnama üýtgetmeler girizmek baradaky teklipleri çap etdi.
Esasy täzelikleriň biri, 2000 utukdan az gazanan oýunçylar üçin reýtingde bir gezeklik üýtgeşiklik bolup biler. Olar üçin reýting (0.40) x (2000 - häzirki reýting) formulasy arkaly hasaplanar. 2000 ýa-da ondan ýokary derejeli oýunçylar häzirki utuklaryny saklarlar.
Şeýle hem, reýtingiň deflýasiýasyna garşy göreşmek üçin iň pes bahasyny 1000-den 1400 utuk aralygynda ýokarlandyrmak teklip edilýär. Beýleki üýtgeşmeler başlangyç reýtingiň hasaplanylyşyna we has gowşak garşydaşdan ýeňlen halatynda ýitirilen reýtingiň mukdaryny çäklendirýän 400 punktyň düzgünleriniň täzeden dikeldilmegine degişlidir.
Üýtgeşmeleri ara alyp maslahatlaşmak üçin jemgyýetçilik maslahatlary 2023-nji ýylyň mart aýynda başlandy. Bu üýtgetmeler, 2023-nji ýylyň 14-nji dekabrynda FIDE Geňeşi tarapyndan tassyklanan halatynda, 2024-nji ýylyň 1-nji ýanwarynda güýje girer.
