Futbol boýunça Çempionlar ligasynyň toparlaýyn tapgyrynyň bäşinji tapgyrynyň jemi boýunça pleý-off-a 16 gatnaşyjydan 12-si belli boldy.
29-njy noýabrda 1/8 finala ýollamany “Lansy” utan Londonyň “Arsenaly” (0:6) we “Sewilýany” utan “PSW” (2:3) aldy.
Mundan öň Çempionlar ligasynyň pleý-offuna “Mançester Siti”, Mýunheniň “Bawariýasy”, Milanyň “Interi”, “Real Sosýedad’, Madridiň “Realy”, “RB Leýpsig”, Madridiň “Atletikosy”, “Barselona”, Dortmundyň “Borussiýasy” we Rimiň “Lasiosy” çykdy.
Çempionlar ligasynyň toparlaýyn tapgyrynyň jemleýji tapgyry 12-13-nji dekabrda geçiriler. 1/8 final oýunlary 13-nji fewralda bolar. Ýaryşyň finaly 1-nji iýunda Londonyň “Uembli” stadionynda geçiriler.
Ýaryşyň häzirki ýeňijisi geçen ýylky ýaryşyň final oýnunda “Interi” 1:0 hasabynda utan “Mançester Sitidir”. Angliýaly klub üçin bu ýeňiş taryhda Çempionlar ligasynda ilkinji boldy.
