Italiýanyň «Lasio» klubunyň derwezebany Iwan Prowedel Çempionlar ligasynyň toparlaýyn tapgyrynyň birinji duşuşygynda ispanlaryň «Atletikosyna» gol geçirdi. Duşuşyk RImde Olimpiýa stadionynda geçirildi.
Duşuşyk 1:1 hasabynda tamamlandy. Prowedel duşuşygyň ikinji ýarymyna goşmaça goşulan 5-nji minutda gol geçirdi we toparyna deňme-deňlik getirdi. «Atletikonyň» düzüminde 19-njy minutda Pablo Barrios gol geçirdi.
Prowedel Çempionlar ligasynyň çäklerinde oýundan gol geçiren ikinji derwezeban boldy. 2009-njy ýylda Belgiýanyň «Standart» klubunyň derwezebany Sinan Bolat Niderlandlaryň AZ klubuna garşy oýunda gol geçiripdi.
