Lionel Messiniň uly ogly Týago Messi «Inter Maýaminiň» U12 toparynyň Floridanyň akademiýalar ligasyndaky oýnuna gatnaşdy. Lionel Messiniň iki ogly Dewid Bekhamyň klub akademiýasynda okaýar.
«Inter Maýami» Floridanyň akademiýalar ligasynda «Weston» bilen geçirilen oýunda ýeňiş getiren gollaryň wideo ýazgysyny (2:1) «Instagramda» paýlaşdy. Wideoda 10 ýaşly Týago gollaryň birini baýram edýär.
Týago Messi ozal «Barselona» we «PSŽ» akademiýalarynda kakasy bu klublarda oýnan wagty okaýardy. Messiniň ortanjy ogly, sekiz ýaşly Mateo «Inter Maýami» akademiýasyna ilkinji gezek geldi.
Argentinanyň milli ýygyndysynyň kapitanynyň bäş ýaşly Çiro atly ýene bir ogly bar.
Messi iýul aýynda resmi taýdan «Inter Maýaminiň» oýunçysy boldy we 11 oýunda 11 pökgi geçirip, toparyna taryhyndaky ilkinji kubogyny – Ligalaryň kubogyny almaga kömek etdi.
