Şu gün Monakoda Çempionlar ligasynyň 2023/24 möwsüminiň toparlaýyn tapgyrynyň bijeleri çekiler. Dabaranyň barşynda Ýewropanyň futbol assosiasiýalarynyň birleşiginiň (UEFA) garaýşy boýunça erkekleriň we zenanlaryň arasynda iň gowy futbolçylar hem-de tälimçiler belli ediler.
Bije çekişlik aşgabat wagty bilen 18:00-da başlanar. Bu ýyl Çempionlar ligasynyň toparlaýyn tapgyrynda çykyş etmäge hukuk gazanan klublar şulardan ybarat: "Arsenal", "Mançester Siti", "Mançester Ýunaýted", "Nýukasl" (Angliýa), "Atletiko", "Barselona", "Real", "Real Sosýedad", "Sewilýa" (Ispaniýa), "Bawariýa", "Borussiýa Dortmund", "Leýpsig", "Ýunion" (Germaniýa), "Inter", "Lasio", "Milan", "Napoli" (Italiýa), "Benfika", "Braga", "Portu" (Portugaliýa), "Lans", PSŽ (Fransiýa), PSW, "Feýenord" (Niderlandlar), "Zalsburg" (Awstriýa), "Seltik" (Şotlandiýa), "Srwena Zwezda" (Serbiýa), "Ýang Boýz" (Şweýsariýa), "Galatasaraý" (Türkiýe), "Şahtýor" (Ukraina), "Antwerpen" (Belgiýa), "Kopengagen" (Daniýa).
Toparlaýyn tapgyrlaryň duşuşyklary 19-20-nji sentýabr, 3-4-nji oktýabr, 24-25-nji oktýabr, 7-8-nji noýabr, 29-30-njy noýabr we 12-13-nji dekabrda geçiriler.
Çempionlar ligasynyň final duşuşygy 2024-nji ýylyň 1-nji iýunynda Londonda «Uembli» stadionynda geçiriler.
