«DxOMark» reýting guramasynyň hünärmenleri «Samsung Galaxy Z Fold5» eplenýän smartfonyň ekranyny synagdan geçirdiler we ony bazardaky iň gowusy diýip ykrar etdiler.
Synagyň netijelerine görä, smartfonyň ekrany 152 ball gazandy, şonuň esasynda hem «Galaxy Z Fold5» umumy reýtingde birinji orny eýeledi. Eplenýän «Google Pixel Fold» we «Honor Magic5 Pro» 151 ball bilen ikinji we üçünji orunlary paýlaşdylar.
Hünärmenler HDR10 fotmatyndaky wideokontent üçin reňk takyklygy we ýagtylygy, islendik yşyklandyryş şertlerinde gowy okalmagy we ekranyň akgnly işleýşi üçin «Galaxy Z Fold5-e» ýokary baha berdiler. Ekranyň kemçilikleriniň hatarynda Gün şöhlesinde ýokary ýagtylyk režiminiň görkezilýän surata tebigy däl görnüş bermegini, şeýle hem ekranyň eplenýän ýerinde göze ilip duran gasynyň bardygy bellenildi.
«Samsung Galaxy Z Fold5» iki displeý bilen üpjün edildi – 7,6 dýuýmlyk içki eplenýän ekran we 6,2 dýuýmlyk daşky ekran. Iki ýagdaýda-da 120 Gs täzeleniş tizligi bolan Dynamic AMOLED 2X matrisas ulanylýar.
Mundan başga-da, «Samsung Galaxy Z Flip5» eplenýän ykjam smartfon 149 ball toplap, «DxOMark-yň» sanawynda altynjy orny eýeledi.
