Garyşyk söweş sungaty (MMA) boýunça irlandiýaly söweşiji Konor Makgregor 2023-nji ýylyň dekabrynda amerikaly Maýkl Çendler bilen tutluşjakdygyny yglan etdi. Bu barada türgen «X» (öňki Twitter) sosial ulgamyndaky sahypasynda ýazdy.
Makgregor «UFC 296-nyň» esasy wakasy hökmünde Çendler bilen söweşini görkezýän «UFC Fight Pass-dan» skrinşot paýlaşdy. «UFC 296» ýaryşyny 17-nji dekabrda Las-Wegasda geçirmek meýilleşdirilýär.
21-nji awgustda 35 ýaşly irlandiýaly türgen 2023-nji ýylyň dekabrynda özüne söweşmegiň gadagan edilendiginden şikaýat etdi. Makgregor: «Munuň nähili şikes bolandygyny göz öňüne getiriň – men özümi ýaşamakdan üçin serişdelerden mahrum edilýän ýaly duýýaryn» diýip belledi. Ol söweş meýdançasyna çykmagyny kimiň gadagan edendigini aýtmady, bu ýerde gürrüň Amerikanyň dopinge garşy agentligi (USADA) hakynda gidýän bolmagy ähtimal. Irlandiýaly söweşiji Dastin Porýe bilen soňky söweşinde şikes alandan soň barlagda ýaramaz netije görkezdi. USADA-nyň düzgünlerine görä, Makgregor ýaryşa gaýdyp barmazdan ozal azyndan alty aý barlag döwründe bolmaly.
Makgregor UFC-niň ýeňil we ýarymýeňil agram derejesinde öňki çempionydyr. Irlandiýaly söweşijiniň 22 ýeňşi we alty ýeňlişi bar. 37 ýaşly Çendler bolsa professional karýerasynda 23 ýeňiş gazanyp, we 8 gezek ýeňildi.
