Warner Bros. studiýasy 22-nji sentýabrda IMAX-da “Barbi” lentasyny çäkli hepdelik prokata çykarar. Bu barada “Variety” habar berýär diýip, gazeta.ru belleýär.
Neşir geljekki relizde titrlerden soň görkeziljek filmden eksklýuziw kadrlaryň boljakdygyny belleýär. Olar režissýor Greta Gerwigiň hut özi tarapyndan saýlanyp alyndy.
22-nji awgustda Raýan Gosling “Barbi” filminiň perde aňyrsyny görkezdi – ol Ken bilen aýdym-saz sahnasynyň surata düşürilişini ýazgy edipdir. Wideoda aktýoryň “I’m Just Ken” aýdymyna we onuň üçin horeografiýa nähili taýýarlanýandygy görkezilýär.
Ýatlap geçsek, 3-nji awgustda “I’m Just Ken” aýdymy Billboard Hot 100 sanawyna girdi. Bu aýdymyň netijesinde Gosling ilkinji gezek bu çarta goşuldy.
“Barbiniň” premýerasy 19-njy iýulda boldy. Ilkinji dynç günleri filmiň girdeji ýygymy 356 mln dollar boldy. Filmde baş keşbi ýerine ýetiren Margo Robbi ýa-da Raýan Gosling bilen beýleki surata düşürilen filmleriň hiç biri-de prokatda uly mukdar ýygnamandy.
