Angliýanyň Futbol Assosiasiýasynyň (FA) başlygy Mark Bullingem «ESPN» neşirine beren interwýusynda Sarina Wigmanyň Angliýanyň milli ýygyndysynyň indiki tälimçisi bolup biljekdigini aýtdy.
Wigman wezipä bellenen ýagdaýynda erkekleriň professional milli ýygyndylarynyň taryhynda ilkinji zenan tälimçi bolar.
«Meniň pikirimçe, Sarina islendik ýerde işläp bilermi? Hawa. Adamlar hemişe bu wezipede iň gowy erkek tälimçiniň ýa-da iňlis tälimçisiniň bolmalydygyny aýdýarlar. Ýöne näme üçin ol aýal bolup bilmez?
Men onuň işinden örän hoşal we bu işi uzak wagtlap dowam etdirer diýip umyt edýärin» diýip, Bullingem belledi.
Wigman futbol boýunça Angliýanyň zenanlar ýygyndysynyň tälimçisi. 20-nji awgustda Angliýanyň milli ýygyndysy 2023-nji ýyldaky dünýä çempionatynyň finalynda Ispaniýa bilen duşuşar.
