MLS + MX Ligalaryň kubogynyň “Filadelfiýa Ýunion” we “Inter Maýaminiň” arasynda geçirilen ýarym final oýny 4:1 hasabynda “Inter Maýaminiň” peýdasyna tamamlandy. Oýun Çester şäherindäki (Pensilwaniýa, ABŞ) “Subaru Park” stadionynda geçirildi diýip, championat.com habar berýär.
Duşuşygyň 20-nji minutynda Lionel Messi gol bilen tapawutlandy. Argentinaly futbolçy amerikan toparynyň eşiginde dokuzynjy goluny girizdi. Şeýlelik bilen, Messi “Inter Maýaminiň” taryhynda iň köp gol geçiren oýunçylaryň sanawynda klubuň düzüminde sekiz gol geçiren ýarym goragçy Robert Teýlordan öňe geçip, arassa üçünji orna çykdy. Şeýle-de, üçlükde Gonsalo Iguain (70 oýunda 29 gol) we Leonardo Kampana (49 oýunda 16 gol) bar.
Ýatlap geçsek, Lionel Messi “Inter Maýami” toparyna tomusky transfer penjiresinde geçdi. Öň, oýunçy “PSŽ” we “Barselona” üçin oýnady.
