«Mançester Siti» toparynyň belgiýaly futbolçysy Kewin De Bruýne «şäherlileriň» wekilleri üçin platinadan taýýarlanan «iPhone» smartfonlaryny sargyt etdi diýip, gazeta.ru «Daily Mail» neşirine salgylanyp habar berýär.
Ýarym goragçynyň topardaş ýoldaşlaryna 2022/23-nji möwsümde trebl etmekleriniň – üç gezek ýeňiş gazanmaklarynyň hormatyna sargyt esasynda taýýarlanan platinadan «iPhone 14» smartfonlaryny sowgat berendigi bellenilýär. Ol dizaýny «iDesign Gold» brendi tarapyndan işlenip düzülen jemi 26 sany «iPhone» sargyt etdi. Olaryň hersiniň bahasy 5 müň funta deňdir.
Şeýle aýfonlar toparyň baş tälimçisi Pep Gwardiola we toparyň eýesi Şeýh Mansura hem gowşuryldy. Ähli telefonlaryň arkasynda alyjylaryň atlary we «Mançester Siti» toparynyň logotipi ýerleşdirilipdir.
11-nji awgustda «Siti» Angliýanyň Premýer-ligasynyň (APL) täze möwsümine «Bernli» toparyndan üstün çykmak bilen başlady. Duşuşyk 3:0 hasabynda tamamlandy. Gollary Erling Holand (dubl) we Rodri tora girizdi. Arakesmeden öň Kewin De Bruýne şikes aldy we çalşylmaly boldy.
2022/23-nji möwsümde «Mançester Siti» trebl etdi – «şäherliler» birbada üç kubok gazandylar. Olar APL-de ýeňiji boldular, Angliýanyň kubogyny gazandylar, şeýle hem Çempionlar ligasynda çempion boldular.
